വിദാലിന്റെ വെല്ലുവിളി,മറുപടി നൽകി റോഡ്രിഗോ!

ഈ സീസണിലെ കോപ്പ ലിബർട്ടഡോറസ് കിരീടം ബ്രസീലിയൻ ക്ലബ്ബായ ഫ്ലെമെങ്കോ സ്വന്തമാക്കിയിരുന്നു. അതുകൊണ്ടുതന്നെ ക്ലബ്ബ് വേൾഡ് കപ്പിൽ ചാമ്പ്യൻസ് ലീഗിലെ കിരീട ജേതാക്കളായ റയൽ മാഡ്രിഡുമായി ഇവർക്ക് കളിക്കേണ്ടി വന്നേക്കും. ഇതുമായി ബന്ധപ്പെട്ട ഒരു വെല്ലുവിളി ചിലിയൻ താരമായ ആർതുറോ വിദാൽ നടത്തിയിരുന്നു. അതായത് നിങ്ങളെ ചവിട്ടി പുറത്താക്കും എന്നായിരുന്നു വിദാലിന്റെ വെല്ലുവിളി.

എന്നാൽ വിദാലിന്റെ വെല്ലുവിളിയോട് റയൽ മാഡ്രിഡിന്റെ ബ്രസീലിയൻ സൂപ്പർതാരമായ റോഡ്രിഗോ പ്രതികരിച്ചിട്ടുണ്ട്. അതായത് അദ്ദേഹത്തെ തങ്ങൾ മൈൻഡ് ചെയ്യാറില്ലെന്നും സംസാരിക്കാറില്ലെന്നുമാണ് ഇപ്പോൾ റോഡ്രിഗോ പറഞ്ഞിട്ടുള്ളത്. ആ മത്സരത്തെക്കുറിച്ച് പിന്നീടാണ് ചിന്തിക്കുകയെന്നും റോഡ്രിഗോ കൂട്ടിച്ചേർത്തിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഒരിക്കലും ആശ്വസിപ്പിക്കാൻ കഴിയാത്ത ഒരു വ്യക്തിയാണ് വിദാൽ എന്നാണ് എനിക്ക് തോന്നുന്നത്.അദ്ദേഹത്തിന്റെ ഹൃദയം തകർന്നിട്ടുണ്ട്.പക്ഷേ ഞങ്ങൾ അദ്ദേഹത്തെക്കുറിച്ച് കൂടുതൽ സംസാരിക്കാറില്ല.അദ്ദേഹത്തെ ഒഴിവാക്കി വിടുകയാണ് ഞങ്ങൾ ചെയ്യാറുള്ളത്.കോപ ലിബർട്ടഡോറസിന്റെ ഫൈനൽ മത്സരം ഞങ്ങൾ കണ്ടിരുന്നു.അതേക്കുറിച്ച് ഞങ്ങൾ സംസാരിച്ചിരുന്നു. പക്ഷേ ഇതൊന്നും ഇപ്പോഴത്തെ കാര്യമല്ലല്ലോ.ഇപ്പോൾ മറ്റു പല കാര്യങ്ങളും ഞങ്ങളുടെ തലയിലുണ്ട്. ക്ലബ്ബ് വേൾഡ് കപ്പ് അടുക്കുമ്പോൾ ഞങ്ങൾ അതേക്കുറിച്ച് സംസാരിക്കും ” ഇതാണ് റോഡ്രിഗോ പറഞ്ഞിട്ടുള്ളത്.

മുമ്പ് ബാഴ്സയിലായിരുന്ന സമയത്ത് വിദാൽ റയലിനെ എൽ ക്ലാസിക്കോകളിൽ നേരിട്ടിട്ടുണ്ട്. മാത്രമല്ല ഇന്റർമിലാനിൽ ആയിരുന്ന സമയത്തും വിദാൽ റയലിനെതിരെ കളിക്കുകയും റെഡ് കാർഡ് കാണുകയും ചെയ്തിട്ടുണ്ട്.