എംബപ്പേയുടെ മികവിൽ യുവന്റസിനെ തകർത്ത് PSG,ഹാലണ്ടിന്റെ മികവിൽ സിറ്റിയും,റയൽ വിജയിച്ചപ്പോൾ ചെൽസിക്ക് അടിതെറ്റി!

ഇന്നലെ യുവേഫ ചാമ്പ്യൻസ് ലീഗിൽ നടന്ന മത്സരത്തിൽ വമ്പൻമാരായ പിഎസ്ജിക്ക് വിജയം. ഒന്നിനെതിരെ രണ്ടു ഗോളുകൾക്കാണ് പിഎസ്ജി കരുത്തരായ യുവന്റസിനെ സ്വന്തം മൈതാനത്ത് വെച്ച് പരാജയപ്പെടുത്തിയത്. ഇരട്ട ഗോളുകൾ നേടിയ സൂപ്പർതാരം കിലിയൻ എംബപ്പേയുടെ മികവിലാണ് പിഎസ്ജി ജയം നേടിയത്.മത്സരത്തിന്റെ 5,22 മിനുട്ടുകളിലാണ് എംബപ്പേ ഗോളുകൾ നേടിയത്.നെയ്മർ,ഹക്കീമി എന്നിവരാണ് ഈ ഗോളുകൾക്ക് അസിസ്റ്റ് നൽകിയത്.യുവന്റസിന്റെ ഗോൾ മക്കെന്നിയായിരുന്നു നേടിയിരുന്നത്.

അതേസമയം മറ്റൊരു മത്സരത്തിൽ വമ്പൻമാരായ മാഞ്ചസ്റ്റർ സിറ്റി തകർപ്പൻ വിജയം നേടിയിട്ടുണ്ട്. എതിരില്ലാത്ത നാല് ഗോളുകൾക്കാണ് സിറ്റി സെവിയ്യയെ പരാജയപ്പെടുത്തിയത്. സൂപ്പർ താരം ഹാലണ്ട് തന്റെ ഗോളടി മികവ് തുടരുകയായിരുന്നു. രണ്ട് ഗോളുകളാണ് താരം നേടിയിട്ടുള്ളത്.ഫോഡൻ,ഡയസ് എന്നിവർ ശേഷിച്ച ഗോളുകൾ നേടി.ഡി ബ്രൂയിന,ഫോഡൻ,കാൻസെലോ എന്നിവരാണ് അസിസ്റ്റുകൾ കരസ്ഥമാക്കിയത്.

നിലവിലെ ചാമ്പ്യന്മാരായ റയൽ മാഡ്രിഡും വിജയിച്ചു കൊണ്ട് തുടക്കം കുറിച്ചിട്ടുണ്ട്. എതിരില്ലാത്ത മൂന്ന് ഗോളുകൾക്കാണ് റയൽ സെൽറ്റിക്കിനെ പരാജയപ്പെടുത്തിയത്.ഒരു ഗോളും ഒരു അസിസ്റ്റും നേടിയ ഈഡൻ ഹസാർഡാണ് മത്സരത്തിൽ തിളങ്ങിയത്.വിനീഷ്യസ്,മോഡ്രിച്ച് എന്നിവരാണ് ശേഷിച്ച ഗോളുകൾ നേടിയത്.

അതേസമയം വമ്പൻമാരായ ചെൽസിക്ക് അടി തെറ്റിയിട്ടുണ്ട്. എതിരില്ലാത്ത ഒരു ഗോളിന് ഡൈനാമോ സാഗ്രബാണ് ചെൽസിയെ പരാജയപ്പെടുത്തിയത്.ഒർസിച്ച് നേടിയ ഗോളാണ് ഡൈനാമോക്ക് വിജയം സമ്മാനിച്ചിട്ടുള്ളത്.

മറ്റൊരു മത്സരത്തിൽ ബൊറൂസിയ എതിരില്ലാത്ത മൂന്ന് ഗോളുകൾക്ക് കോപ്പൻഹേഗനെ പരാജയപ്പെടുത്തി.എസി മിലാനും സാൽസ്ബർഗും തമ്മിലുള്ള മത്സരം 1-1 എന്ന സ്കോറിൽ സമനിലയിൽ പിരിഞ്ഞു.ഷാക്തർ ഡോണസ്ക്ക്,ബെൻഫിക്ക എന്നിവരൊക്കെ ഇന്നലെ വിജയം നേടിയിട്ടുണ്ട്