നെയ്മർ പൂർണ്ണ ഫിറ്റാണെങ്കിൽ ബ്രസീലിന് വലിയ സാധ്യത : വേൾഡ് കപ്പിനെ കുറിച്ച് റൊണാൾഡോ പറയുന്നു!

വരുന്ന ഖത്തർ വേൾഡ് കപ്പിലെ കിരീട ഫേവറേറ്റുകൾ ആരൊക്കെയാണ് എന്നുള്ളതിന്റെ വിശകലനങ്ങൾ ഇപ്പോൾ തന്നെ ഫുട്ബോൾ ലോകത്ത് ആരംഭിച്ചു കഴിഞ്ഞിട്ടുണ്ട്. പലരും കിരീട സാധ്യത കൽപ്പിക്കപ്പെടുന്ന ടീമുകളിലൊന്നാണ് ലാറ്റിനമേരിക്കൻ വമ്പൻമാരായ ബ്രസീൽ. നിലവിൽ ഫിഫ റാങ്കിങ്ങിൽ ഒന്നാം സ്ഥാനത്ത് തുടരുന്നതും ബ്രസീൽ തന്നെയാണ്.

അതേസമയം ബ്രസീലിയൻ ഇതിഹാസമായ റൊണാൾഡോ നസാരിയോയും ബ്രസീലിന് സാധ്യതകൾ കൽപ്പിക്കുന്നുണ്ട്. നെയ്മർ ജൂനിയർ ശാരീരികമായി പൂർണ്ണ ഫിറ്റാണെങ്കിൽ ഈ വേൾഡ് കപ്പിൽ ബ്രസീലിന് വലിയ സാധ്യതകളുണ്ട് എന്നാണ് റൊണാൾഡോ പറഞ്ഞിട്ടുള്ളത്. അദ്ദേഹത്തിന്റെ വാക്കുകൾ ഒ ഡിയ റിപ്പോർട്ട് ചെയ്യുന്നത് ഇങ്ങനെയാണ്.

” ബ്രസീൽ ഖത്തർ വേൾഡ് കപ്പിലേക്ക് എത്തുക കിരീടഫേവറേറ്റുകളായി കൊണ്ടാണ്. നെയ്മർ ജൂനിയർ ഫിസിക്കലായി കൊണ്ട് പൂർണ്ണ ഫിറ്റാണെങ്കിൽ ഇത്തവണത്തെ വേൾഡ് കപ്പിൽ ബ്രസീലിന് വലിയ സാധ്യതകൾ ഉണ്ട്. ഏത് പൊസിഷനിലും കളിക്കാൻ കെൽപ്പുള്ള താരമാണ് നെയ്മർ ജൂനിയർ. അദ്ദേഹത്തെ വേണമെങ്കിൽ നമ്പർ നയണായും ബ്രസീലിന് ഉപയോഗപ്പെടുത്താം ” ഇതാണ് റൊണാൾഡോ പറഞ്ഞിട്ടുള്ളത്.

സെർബിയ,സ്വിറ്റ്സർലാന്റ്,കാമറൂൺ എന്നിവരെയാണ് ഗ്രൂപ്പ് ഘട്ടത്തിൽ ബ്രസീൽ നേരിടേണ്ടത്.