ആ ക്ലബ്ബിൽ ആന്റണിക്ക് തിളങ്ങാൻ കഴിയും : റിവാൾഡോ!

കഴിഞ്ഞ സീസണിൽ ഡച്ച് ക്ലബായ അയാക്സിന് വേണ്ടി തകർപ്പൻ പ്രകടനം പുറത്തെടുക്കാൻ ബ്രസീലിയൻ സൂപ്പർതാരമായ ആന്റണിക്ക് സാധിച്ചിരുന്നു.12 ഗോളുകളും 10 അസിസ്റ്റുകളുമായിരുന്നു ആകെ കഴിഞ്ഞ സീസണിൽ ആന്റണി നേടിയത്. മാത്രമല്ല ബ്രസീലിന്റെ ദേശീയ ടീമിന് വേണ്ടി 6 മത്സരങ്ങൾ ആന്റണി കളിക്കുകയും ചെയ്തിട്ടുണ്ട്.

താരത്തിന്റെ ഈ മികച്ച പ്രകടനത്താൽ നിരവധി ക്ലബ്ബുകൾ ആന്റണിയിൽ താൽപര്യം പ്രകടിപ്പിച്ചിട്ടുണ്ട്.അതിൽ മുന്നിട്ടുനിൽക്കുന്നത് പ്രീമിയർ ലീഗ് വമ്പൻമാരായ മാഞ്ചസ്റ്റർ യുണൈറ്റഡാണ്.അയാക്സിന്റെ മുൻ പരിശീലകനും നിലവിൽ യുണൈറ്റഡിന്റെ പരിശീലകനുമായ എറിക്ക് ടെൻ ഹാഗിന് വലിയ താല്പര്യം ഉള്ള താരം കൂടിയാണ് ആന്റണി.

ഏതായാലും ആന്റണി യുണൈറ്റഡിൽ എത്തിയാൽ അദ്ദേഹത്തിന് അവിടെ തിളങ്ങാൻ കഴിയുമെന്നുള്ള പ്രതീക്ഷ ഇപ്പോൾ ബ്രസീലിയൻ ഇതിഹാസമായ റിവാൾഡോ പങ്കുവെച്ചിട്ടുണ്ട്. കഴിഞ്ഞ ദിവസം ബെറ്റ്ഫയറിനോട് സംസാരിക്കുകയായിരുന്നു അദ്ദേഹം.റിവാൾഡോയുടെ വാക്കുകൾ ഇങ്ങനെയാണ്.

” മാഞ്ചസ്റ്റർ യുണൈറ്റഡിലും അതുപോലെതന്നെ വേൾഡ് കപ്പിലും ആരാധകരെ അത്ഭുതപ്പെടുത്താൻ ആന്റണി കഴിയും. അദ്ദേഹത്തെ സംബന്ധിച്ചിടത്തോളം വളരെ അധികം ആസ്വദിക്കാൻ സാധിച്ച ഒരു സീസണായിരുന്നു കഴിഞ്ഞ സീസൺ. അതുകൊണ്ടുതന്നെ വലിയ ക്ലബ്ബുകൾ അദ്ദേഹത്തിൽ ശ്രദ്ധ പതിപ്പിച്ചിട്ടുണ്ട്. അദ്ദേഹത്തെ സൈൻ ചെയ്യുന്നതിന്റെ തൊട്ടരികിലാണ് എറിക്ക് ടെൻ ഹാഗ് ഉള്ളത് എന്നാണ് ഞാൻ വിശ്വസിക്കുന്നത്.ഓൾഡ് ട്രഫോഡിൽ വെച്ച് അദ്ദേഹം നടത്തുന്ന പ്രകടനം ആസ്വദിക്കാൻ നമുക്ക് സാധിക്കുമെന്നുള്ള കാര്യത്തിൽ എനിക്ക് ആത്മവിശ്വാസമുണ്ട്.ടിറ്റെക്ക് കീഴിൽ അദ്ദേഹം ബ്രസീലിൽ സ്ഥിരസാന്നിധ്യമായി എന്നാണ് ഞാൻ വിശ്വസിക്കുന്നത്. വലിയ ഒരു ക്ലബ്ബിലേക്ക് അദ്ദേഹം എത്തിക്കഴിഞ്ഞാൽ തീർച്ചയായും ആന്റണിക്ക് അത് ബ്രസീൽ ടീമിന് ഗുണം ചെയ്യും ” ഇതാണ് റിവാൾഡോ പറഞ്ഞിട്ടുള്ളത്.

ആന്റണിക്ക് വേണ്ടിയുള്ള ശ്രമങ്ങൾ ഇപ്പോഴും മാഞ്ചസ്റ്റർ യുണൈറ്റഡ് തുടരുന്നുണ്ട്.താരത്തെ എത്തിക്കാൻ കഴിഞ്ഞാൽ അത് യുണൈറ്റഡിന് ഗുണകരമാവുമെന്നുള്ള കാര്യത്തിൽ സംശയമില്ല.