മെസ്സി റയലിൽ എത്തിയാൽ,യുണൈറ്റഡ് കിരീടം നേടിയാൽ,ബയേണിനെതിരെ മാരക ട്രോളുമായി സ്പാർട്ടക്ക് മോസ്ക്കോ!
ജർമ്മൻ വമ്പൻമാരായ ബയേൺ മ്യൂണിക്ക് ലിവർപൂളിന്റെ സൂപ്പർ താരമായ സാഡിയോ മാനെയെ ടീമിലെത്തിക്കാനുള്ള ശ്രമങ്ങളാണ് നിലവിൽ നടത്തുന്നത്.ഈയിടെ 30 മില്യൺ പൗണ്ടിന്റെ ഒരു ഓഫർ ബയേൺ ലിവർപൂളിന് നൽകിയിരുന്നു. എന്നാൽ ലിവർപൂൾ ഇത് നിരസിക്കുകയായിരുന്നു.
സത്യത്തിൽ വളരെയധികം രസകരമായ ഒരു ഓഫറായിരുന്നു ഇത്.23.5 മില്യൺ പൗണ്ടാണ് മാനേക്ക് വേണ്ടി യഥാർത്ഥത്തിൽ ബയേൺ ഓഫർ ചെയ്തിരിക്കുന്നത്. ബാക്കിയുള്ള 6.5 മില്യൺ പൗണ്ട് ആഡ് ഓൺസാണ്.ഈയൊരു തുക ലഭിക്കാനുള്ള ബയേണിന്റെ നിബന്ധനങ്ങൾ വളരെ രസകരമായിരുന്നു. അതായത് അടുത്ത മൂന്ന് ചാമ്പ്യൻസ് ലീഗ് കിരീടവും മൂന്ന് ബാലൺ ഡി’ഓർ പുരസ്കാരവും മാനെ നേടിയാൽ മാത്രമേ ലിവർപൂളിന് ഈ തുക ലഭിക്കുകയുള്ളൂ. തികച്ചും അസാധ്യമായ കാര്യമാണ് ഇതെന്ന് ഏതൊരു വ്യക്തിക്കുമറിയാം. അത്തരത്തിലുള്ള ഒരു ഓഫറായിരുന്നു ബയേൺ ലിവർപൂളിന് നൽകിയത്.
Spartak Moscow brutally troll Bayern Munich's offer for Sadio Mane that Liverpool rejected over unrealistic add-ons https://t.co/dPTY5EOUjJ
— MailOnline Sport (@MailSport) June 9, 2022
എന്നാൽ ഇക്കാര്യത്തിൽ ബയേണിനെതിരെ മാരക ട്രോളുമായി റഷ്യൻ ക്ലബ്ബായ സ്പാർട്ടക്ക് മോസ്ക്കോ രംഗത്തു വന്നിട്ടുണ്ട്. അതായത് മോസ്കോയുടെ സ്ട്രൈക്കർക്ക് വേണ്ടി ബയേൺ ഒരു ഓഫർ സമർപ്പിക്കുന്ന ലെറ്ററാണ് ഇവർ പുറത്തു വിട്ടിട്ടുള്ളത്.അതിങ്ങനെയാണ്..
????????????? pic.twitter.com/1vVpJhelhS
— FC Spartak Moscow (@fcsm_eng) June 9, 2022
പ്രിയപ്പെട്ട സ്പാർട്ടക്ക് മോസ്ക്കോ..
നിങ്ങളുടെ സ്ട്രൈക്കറായ അലെക്സാണ്ടർ സോബോളോവിന് ഞങ്ങളൊരു 1000 യുറോയുടെ ഓഫർ നൽകുന്നു. കൂടാതെ ചില ആഡ് ഓൺസുകളുമുണ്ട്.. അതിനുള്ള നിബന്ധനകൾ താഴെ നൽകുന്നു..
1-യുറോ വിഷൻ സോങ് മത്സരത്തിൽ ബയേൺ വിജയിക്കുകയാണെങ്കിൽ 10 മില്യൺ യുറോ ലഭിക്കും..
2- മാഞ്ചസ്റ്റർ യുണൈറ്റഡ് കിരീടം നേടുകയാണെങ്കിൽ 15 മില്യൺ യുറോ ലഭിക്കും
3- ലയണൽ മെസ്സി റയലിലേക്ക് എത്തുകയാണെങ്കിൽ 20 മില്യൺ ലഭിക്കും.. ഇതൊക്കെയാണ് നിബന്ധനകൾ..
ഇതായിരുന്നു സ്പാർട്ടക്ക് മോസ്ക്കോ ബയേണിന് വേണ്ടി തയ്യാറാക്കിയ ലെറ്ററിൽ ഉൾപ്പെടുത്തിയിരുന്നത്. അതായത് അസാധ്യമെന്ന് തോന്നിക്കുന്ന കാര്യങ്ങൾ ഉൾപ്പെടുത്തിക്കൊണ്ട് ബയേണിന്റെ ഓഫറിനെ ഇവർ പരിഹസിക്കുകയായിരുന്നു. ചുരുക്കത്തിൽ ഫുട്ബോൾ ലോകത്ത് ഇത് വലിയ ചർച്ചാവിഷയമായി കഴിഞ്ഞിട്ടുണ്ട്.
