അദ്ദേഹമൊരു കംപ്ലീറ്റ് പ്ലയെർ, പിഎസ്ജി താരത്തെ പ്രശംസിച്ച് പോച്ചെട്ടിനോ!

ഈ ട്രാൻസ്ഫർ ജാലകത്തിലായിരുന്നു ലിവർപൂൾ താരമായ വൈനാൾഡം പിഎസ്ജിയിലേക്കെത്തിയത്. ഫ്രീ ട്രാൻസ്ഫറിലായിരുന്നു ഈ ഡച്ച് താരം പിഎസ്ജിയിൽ എത്തിയത്. ഏതായാലും പിഎസ്ജിയുടെ പരിശീലകനായ മൗറിസിയോ പോച്ചെട്ടിനോ ഈ മധ്യനിര താരത്തെ വാനോളം പ്രശംസിച്ചിട്ടുണ്ടിപ്പോൾ.വൈനാൾഡം ഒരു കംപ്ലീറ്റ് പ്ലയെർ ആണെന്നും അദ്ദേഹം പിഎസ്ജിയിൽ എത്തിയതിൽ താൻ വളരെയധികം സന്തോഷവാനാണ് എന്നുമാണ് പോച്ചെട്ടിനോ അറിയിച്ചിട്ടുള്ളത്.കൾച്ചർ പിഎസ്ജിയെ ഉദ്ധരിച്ചു കൊണ്ട് പിഎസ്ജി ടോക്കാണ് ഇക്കാര്യം റിപ്പോർട്ട്‌ ചെയ്തിരിക്കുന്നത്.

” ആക്രമണത്തിലും പ്രതിരോധത്തിലും ഒരുപോലെ ടീമിനെ സഹായിക്കാൻ കഴിയുന്ന താരമാണ് വൈനാൾഡം.അദ്ദേഹത്തിന്റെ ആ ആ ആക്രമണാത്മക ശൈലിയാണ് ടീമിന് ആവിശ്യമുള്ളത്.അദ്ദേഹത്തിന്റെ പരിചയസമ്പത്തും ക്വാളിറ്റിയും കളിയുടെ ഇരു മേഖലകളിലും ടീമിന് ഗുണം ചെയ്യും.അദ്ദേഹമൊരു അഗ്രസീവായ താരമാണ്.അദ്ദേഹം ആവിശ്യമായ സമയത്ത് ഗോളുകൾ നേടുകയും, ഡിഫൻസിനെ സഹായിക്കുകയും എതിരാളികളിൽ സമ്മർദ്ദം ചെലുത്തുകയും പന്ത് നേടിയെടുക്കുകയും ചെയ്യുന്നു. ചുരുക്കത്തിൽ അദ്ദേഹമൊരു കംപ്ലീറ്റ് പ്ലയെറാണ്.അദ്ദേഹം പിഎസ്ജിയിൽ എത്തിയതിൽ ഞാൻ വളരെയധികം സന്തോഷവാനാണ് ” പോച്ചെട്ടിനോ പറഞ്ഞു. വരുന്ന സീസണിൽ വൈനാൾഡം അടങ്ങുന്ന പിഎസ്ജിയുടെ താരനിരയിൽ വലിയ പ്രതീക്ഷയാണ് ആരാധകർ വെച്ച് പുലർത്തുന്നത്.