പെനാൽറ്റി തുലച്ചു, ബാഴ്‌സക്ക്‌ എയ്ബറിനോടും സമനിലകുരുക്ക്, പ്ലയെർ റേറ്റിംഗ് !

ദുർബലരായ എയ്ബറിനോടും എഫ്സി ബാഴ്സലോണക്ക്‌ സമനിലകുരുക്ക്. ഇന്നലെ ക്യാമ്പ് നൗവിൽ നടന്ന മത്സരത്തിൽ 1-1 എന്ന സ്കോറിനാണ് എയ്ബർ ബാഴ്സയെ തളച്ചത്. സൂപ്പർ താരം ലയണൽ മെസ്സിയുടെ അഭാവത്തിൽ ഇറങ്ങിയ ബാഴ്‌സ ഗോൾക്ഷാമം നേരിടുകയായിരുന്നു. മത്സരത്തിന്റെ എട്ടാം മിനുട്ടിൽ തന്നെ ലഭിച്ച പെനാൽറ്റി മാർട്ടിൻ ബ്രൈത്വെയിറ്റ് പാഴാക്കുകയായിരുന്നു. മെസ്സിയുടെ അഭാവത്തിൽ തുടർച്ചയായ രണ്ടാം തവണയാണ് ബാഴ്‌സ പെനാൽറ്റി പാഴാക്കുന്നത്. പിന്നീട് 25-ആം മിനുട്ടിൽ ബ്രൈത്വെയിറ്റ് ഗോൾ നേടിയെങ്കിലും ഓഫ്‌സൈഡ് വിധിക്കുകയായിരുന്നു. മത്സരത്തിന്റെ 57-ആം മിനുട്ടിൽ കീകെയിലൂടെയാണ് എയ്ബർ ലീഡ് നേടുന്നത്. എന്നാൽ പത്ത് മിനുട്ടിന് ശേഷം ബാഴ്സ സമനില പിടിച്ചു. ജൂനിയർ ഫിർപ്പോയുടെ അസിസ്റ്റിൽ നിന്ന് ഉസ്മാൻ ഡെംബലെയാണ് ഗോൾ കണ്ടെത്തിയത്. പിന്നീട് ഗോളുകൾ നേടാനാവാതെ വന്നതോടെ മത്സരം 1-1 എന്ന സ്‌കോറിൽ അവസാനിക്കുകയായിരുന്നു. ഈ സമനില ബാഴ്‌സയുടെ നില കൂടുതൽ പരുങ്ങലിലാക്കി. 15 മത്സരങ്ങളിൽ 25 പോയിന്റ് മാത്രമുള്ള ബാഴ്‌സ ആറാം സ്ഥാനത്താണ്. മത്സരത്തിലെ പ്ലയെർ റേറ്റിംഗ് താഴെ നൽകുന്നു.

എഫ്സി ബാഴ്സലോണ : 6.68
ബ്രൈത്വെയിറ്റ് : 5.7
പെഡ്രി : 7.1
ഗ്രീസ്‌മാൻ : 6.1
ഫിർപ്പോ : 7.5
ഡിജോങ് : 6.8
പ്യാനിക്ക് : 6.8
ഡെസ്റ്റ് : 6.9
ലെങ്ലെറ്റ്‌ : 6.6
അരൗഹോ : 7.5
മിങ്കേസ : 6.7
സ്റ്റീഗൻ : 6.2
ബുസ്ക്കെറ്റ്സ് : 5.9-സബ്
പുജ്‌ : 6.0-സബ്
ട്രിൻക്കാവോ : 6.4-സബ്
ഡെംബലെ : 7.9-സബ്
കൂട്ടീഞ്ഞോ : 6.7-സബ്