നെയ്മർ തിരിച്ചെത്തി, പിഎസ്ജിക്ക് ഉജ്ജ്വലവിജയം!

ഇന്നലെ ലീഗ് വണ്ണിൽ നടന്ന മത്സരത്തിൽ പിഎസ്ജിക്ക് ഉജ്ജ്വലവിജയം. രണ്ടിനെതിരെ നാല് ഗോളുകൾക്കാണ് പിഎസ്ജി കരുത്തരായ ലിയോണിനെ തകർത്തു വിട്ടത്.സൂപ്പർ താരം കിലിയൻ എംബാപ്പെയുടെ ഇരട്ടഗോളാണ് ഈ ഉജ്ജ്വലവിജയം നേടാൻ പിഎസ്ജിയെ സഹായിച്ചത്. പരിക്കിൽ നിന്നും മുക്തനായ സൂപ്പർ താരം നെയ്മർ ജൂനിയർ ഇന്നലെ പകരക്കാരന്റെ രൂപത്തിൽ കളത്തിലിറങ്ങി.മത്സരത്തിന്റെ 70-ആം മിനിറ്റിലാണ് നെയ്മർ കളത്തിലേക്കിറങ്ങിയത്.ജയത്തോടെ പിഎസ്ജി ലീഗ് വണ്ണിൽ ഒന്നാം സ്ഥാനത്തെത്തി.30 മത്സരങ്ങളിൽ നിന്ന് 63 പോയിന്റാണ് പിഎസ്ജിയുടെ സമ്പാദ്യം.ഇത്രയും തന്നെ പോയിന്റുള്ള ലില്ലെ രണ്ടാം സ്ഥാനത്താണ്.60 പോയിന്റുള്ള ലിയോൺ മൂന്നാം സ്ഥാനത്താണ്.

മത്സരത്തിന്റെ പതിനഞ്ചാം മിനുട്ടിൽ തന്നെ എംബാപ്പെ പിഎസ്ജിക്ക് വേണ്ടി അക്കൗണ്ട് തുറന്നിരുന്നു.32-ആം മിനുട്ടിൽ ഡാനിലോ പെരേര പിഎസ്ജിയുടെ ലീഡുയർത്തി.ആദ്യപകുതിയിൽ ഈ രണ്ട് ഗോളിന്റെ ആനുകൂല്യത്തിലാണ് പിഎസ്ജി കളം വിട്ടത്.രണ്ടാം പകുതിയുടെ തുടക്കത്തിൽ തന്നെ രണ്ട് ഗോളുകൾ കൂടി നേടി പിഎസ്ജി ജയമുറപ്പിച്ചു.47-ആം മിനുട്ടിൽ എയ്ഞ്ചൽ ഡിമരിയയാണ് ഗോൾ നേടിയത്.52-ആം മിനുട്ടിൽ കിലിയൻ എംബാപ്പെയും ഗോൾ കണ്ടെത്തുകയായിരുന്നു.മാർക്കോ വെറാറ്റിയുടെ അസിസ്റ്റിൽ നിന്നാണ് എംബാപ്പെ ഗോൾ നേടിയത്.എന്നാൽ പിന്നീട് ലിയോൺ തിരിച്ചടി തുടങ്ങി.രണ്ട് ഗോളുകൾ ലിയോൺ മടക്കുകയായിരുന്നു.62-ആം മിനിറ്റിൽ ഇസ്ലാം സ്ലിമാനിയും 81-ആം മിനിറ്റിൽ മാക്സ്വെൽ കോർനെറ്റുമാണ് ലിയോണിന്റെ ഗോളുകൾ നേടിയത്.