റയലിനെ വിമർശിക്കുന്ന പോസ്റ്റിന് ലൈക്ക്, റാമോസും റയലും രണ്ടു വഴിക്ക്?

റയൽ മാഡ്രിഡ് നായകനും പ്രതിരോധ നിരയിലെ സൂപ്പർതാരവും ആയ സെർജിയോ റാമോസ് ക്ലബ് വിട്ടേക്കുമെന്നുള്ള അഭ്യൂഹങ്ങൾ വളരെ ശക്തമാണ്. താരത്തിന്റെ കരാർ ഈ സീസണോടുകൂടി അവസാനിക്കും. ഇതുവരെ കരാർ പുതുക്കാൻ റയൽ മാഡ്രിഡ് തയ്യാറായിട്ടില്ല. താരം പിഎസ്ജിയിലേക്ക് ചേക്കേറുമെന്ന വാർത്തകൾ അതിനിടെ ഉയർന്നുവരികയും ചെയ്തു. ഏതായാലും ഈ കിംവദന്തികൾ നിലനിൽക്കെ മറ്റൊരു പ്രശ്നം പൊട്ടിപ്പുറപ്പെട്ടി രിക്കുകയാണിപ്പോൾ. കഴിഞ്ഞ ദിവസം സോഷ്യൽ മീഡിയയിൽ റാമോസിന്റെ ഭാഗത്തു നിന്നുണ്ടായ ഒരു ഇടപെടലാണ് താരവും റയലും തമ്മിൽ ഉടക്കിലാണെന്ന വാദങ്ങൾക്ക് ശക്തി കൂട്ടിയത്.

റയൽ മാഡ്രിഡിനെ വിമർശിക്കുന്ന ഒരു പോസ്റ്റിന് റാമോസ് ലൈക്‌ അടിക്കുകയായിരുന്നു. റയൽ മാഡ്രിഡ്‌ സിഎഫ് ഫോറെവർ എന്ന ഫാൻ അക്കൗണ്ടിന്റെ പോസ്റ്റിനാണ് റാമോസ് ലൈക്‌ അടിച്ചത്. റാമോസ് തലതാഴ്ത്തിയിരിക്കുന്ന ഫോട്ടോയുടെ ക്യാപ്ഷൻ റയലിനെ വിമർശിക്കുന്ന ഒന്നായിരുന്നു. ” സെർജിയോ റാമോസ് ഈ സമ്മർ ട്രാൻസ്ഫറിൽ റയൽ വിട്ടേക്കും.ഇതാണ് നമ്മൾ നമ്മുടെ ഇതിഹാസങ്ങളെ ട്രീറ്റ് ചെയ്യുന്ന രീതി.. ഹൃദയഭേദകം ” എന്നായിരുന്നു ആ പോസ്റ്റിന്റെ ക്യാപ്ഷൻ. ഈ പോസ്റ്റിനാണ് റാമോസ് ലൈക്‌ അടിച്ചത്. ഇതോടെയാണ് റയലും റാമോസും രണ്ടു വഴിക്കാണെന്ന് ആരാധകർ പോലും സംശയിച്ചു തുടങ്ങിയത്.

Leave a Reply

Your email address will not be published. Required fields are marked *

error: Content is protected !!